Side isikhathi lesi
Amalanga akhambile
Neenyanga zalandelana njalo
Iminyaka yadosana senga ngudumbana ados'ikarana
NoBaba sekayabuza ekhaya.
Nami ngirhorhana nemiqcabango yami
Ngizibuza bonyana ngiyilimela bani indima le?
Ngombana ngamalanga ntambama
Uvela sewukhamba kancani
Ukhukhutha senga ungutsotsi uzokweba.
Ngikuhloniphile ngakupha ithando
Ngakubiza ngamagama amnandi
Ngakuvumela bonyana usele emthonjenami
Kodwana ngesibayeni sakwethu akunakom'etjhoko
Nabakwenu abakaveli kwethu.
Yini ihloso yakho ngami?
Nangabe awunatjisakalo yokung'tjhugulula isibongo
Nerhuluphelelo lokungihlanganisa nabakwenu
Nebhudango lokungenza umkakho
Ngitjhaphulula ungivumele ngiphaphe kweNyoni.
Ngiphaphe nezinye iinyoni
Ngiphaphele eentaben'eziphezulu
Ngihlale emithini ehlaza
Ngakhe isidleko epenten'emithi emikhulu
Ngifumane abaneehloso ezihle ngami.