Isililo

Ngiyok'thomaphi

Ngombana side isililo sami

Side kweNtaba iKilimanjaro

Sigeleza kwoMlambo iNile

Siza neenhlungu kweCyclone Idai.

Siyokufika nini ekwamukeleni

Ukwamukela akutjho ukungatjhugululi

Ukwamukela kutjho ukuphila ngok'semandlen'akho

Ukwamukela kuphila ngeqciniso lakho

Ukwamukela kuzala irhuluphelelo lokutjhugulula.

Sekungasuthi isitjho esithi

"Fake it until you make it"

Senze abantu banganiseleki

Sibenze baphila amaphilo wamanga

Sibatjhiye baduda ngaphathi kwenkolodo.

Lesi sililo sami

Ngililela boke abazidibizese ngamanga

Bahle ngaphandle kodwana ngaphakathi bagirikile

Baveza iinthombe zethabo kodwana

Ngemva kweminyango baminza ngaphakathi kwenhlungu.

Ngijame esiqcongolweni sentaba

Ngiphakamisa iphimbo lami ngiyarhuwelela

Ukuzenzisa akusizi muntu

Ukukara abanye ak'sani ndawo

Kodwana kugidisana sikhundhla sinye.

Asivukeni sizithintithe

Sifunde ukwamukela

Siphile ngeqciniso

Sithole ukuthula

Siberegele itjhuguluko.