Tjhida ngadunga
Ngikulethele Ngikukhombise
Ngikuzwise Ngikunambithise
Ngikurareje Ngikufundise
Ngobuhle besiNdebele.
Simnandi sihle siyakarisa
Sifuthumele kombhalo
Sitsengile sinzinzile.
Ngisimbethe
Ngisirarej'edinini kweRhabi
Ngisithwele ehloko komjeka
Ngisibhebhule emhlani kweSana
Ngigijima naso ngiyarathula.
Ngilindebele Ngokubelethwa
Isindebele lilimu lami
KwaNdebele kung'khethu.
Ngirathula ngaso ezizweni
Ngitjhagale ngibethe inyawo
Ngigiriza imithangala ngaso
Ngeqayeqe kwakaParwa
Nangibonga ngeSindebele namaNdebele.
Ngiyamemezela ngiyarhuwelele
Ngiyakwakwazele beng'gide
Ngebanga lesiNdebele.