NoBabhalile

Ihlizw'ami ibetha kancani

Amehl'wami azal'iinyembezi

Amadol'wami abemanzi

Ngibuye ng'momotheke

Nang'khumbula wena silukazi sami.

Ngibajwa livalo

Ngizizwe msulwa

Nakuphela amalanga

Ungakadlul'emkhumbulwenami.

Nangifeza amabhudang'wami

Ngizifumana ngiba nekulumo pendulwano

Nes'thombe sakho,

Ngizibuza bonyana kazi uyazikhakhazisa ngami nah?

Ngamalanga wokugidinga

Ngilangazelela ukugidinga nawe,

Umoy'ami nawuphasi

Ngilangazelela ukudobha umaliledinini

Ngizwe iphimbo lakho elimnandi,

Lingirhuthulela ubuhlakani bakho.

Ngesinye isikhathi

Ngizifumana ngilahlek'emafini

Ngilunguza ubuso bakho

Ngizumana nephimbo lakho

Lingibiza lithi Nompeketswana.

Ngekhe ngibuze bonyana ukhambeleni

Ngombana ngiyazi uhlala unami

Ngithokoza iinfundiso zakho noBabhalile

Ngithokoza ithando lakho NaMtsweni.