Ifa elimnyama lisigubuzele,
Kunzima emehlweni
Iinhliziyo zigubuzeswe kukwesaba.
Izolo lokhu konke bukusesigeni
Besizele eendleleni
Sigidinga besibambane nezandla
Umraro bewungekho.
Kodwana sesiphila kwesinye isiga
Koke ebesikwazi kutjhugulukile,
Kufike isitha satjhugulula amaphil’wethu.
Sisijamise ngenyaw’elilodwa
Siraranise koke,
Sithatha imiphefumulo eminengi
Sitjhiya imindeni izwa ubuhlungu.
Kodwana kikho koke lokhu
Inhliziyo zethu azindzimelele ethembeni
Zithembele ek’saseni elinganhlungu.
Nanyana kungathatha isikhathi eside
Kubengasuthi angeke kudlule
Kuphele amathemba
Kodwana akukho okudlula ihliziyo enethemba.
Ngiyazi bonyana kubudisi begodu kubuhlungu
Ngombana siphila esikhathini esingathembis’ikusasa
Nanyana kunjalo asihlaleni ethemba.
Sitjhaba sakwethu asiberegisaneni
Sibemunye besikhumbule bonyana silwisana nesitha sinye
Ngombana…
Like a phoenix we are all going to rise.
Comments